लक्ष्मी न्यौपाने,जुम्ला
जुम्लाको चन्दननाथ नगरपालिका ३ मा कृषक दिवस मनाइएको छ । तीन वटा समुहका ९० जना किसानहरुलाई भेला गराएर कृषक दिवस मनाइएको हो । दिवसमा वडाध्यक्ष,वडा सदस्यहरु,कृषि शाखाका कर्मचारीहरु र किसानहरु भेला भएका थिए ।
वल्र्डभिजन नेपालको आर्थिक सहयोग र किडार्क नेपालको सहजीकरणमा कृषक दिवस मनाइएको जिविकोपार्जन अधिकृत सरु महतले जानकारी दिइन् । उनका अनुसार चन्दननाथ ३ मा जलवायुमैत्री कृषक पाठशाला सञ्चालन गरिएको थियो । चार महिना अघि देखि चलेको कृषक पाठशाला समापनका क्रममा कृषक दिवस मनाइएको हो ।
दिवसमा किसानहरुले उत्साह पुर्वक कृषक पाठशालामा कृषि खेती प्रर्णाली र प्रविधिको बारेमा जानकारी लिएको भन्दै खुसी पोखेका थिए ।
