कर्णाली प्रदेशका नवनियुक्त दुई मन्त्रीद्वारा शपथ ग्रहण

  ।   ३ जेष्ठ २०७८, सोमबार १७:३१

मुख्यमन्त्री महेन्द्रबहादुर शाहीको सिफारिसमा नियुक्त हुनुभएका कर्णाली प्रदेशका दुई जना नयाँ मन्त्रीले पद तथा गोपनीयताको शपथ लिनु भएको छ ।

प्रदेश प्रमुख गोविन्द्रप्रसाद कलौनीले आज एक समारोहका बीच नवनियुक्त आन्तरिक मामिला, कानुन, युवा तथा खेलकुद मन्त्री  सीताकुमारी नेपाली र आर्थिक मामिला तथा योजना मन्त्री गोपाल शर्मालाई पद तथा गोपनीयताको शपथ ग्रहण गराउनु भएको हो ।

शपथ ग्रहण समारोहमा मुख्यमन्त्री महेन्द्रबहादुर शाही, सभामुख राजबहादुर शाहीलगायतका उच्च पदस्थ अधिकारीहरूको उपस्थिति रहेको थियो ।

नवनियुक्त मन्त्री द्वय नेकपा (माओवादी केन्द्र)का सांसद हुनुहुन्छ ।

Next Post

जुम्लाको चन्दननाथ नगरपालिकाले घरघरमै पुगेर पोषिला आहारा र स्वास्थ्य सामाग्री वितरण

३ जेष्ठ २०७८, सोमबार १७:३१
दोस्रो लहरको कोरोना भाइरसबाट संक्रमित भएकाहरूलाई जुम्लाको चन्दननाथ नगरपालिकाले घरघरमै  पुगेर पोषिला आहारा र स्वास्थ्य सामाग्री वितरण गर्ने भएको छ । बिहीबार नगर स्तरीय विपद् व्यवस्थापन समितिको बैठकले सङ्क्रमितका घरघरमा पोषिला आहारा सँगै स्वास्थ्य सामाग्री पुराउने निर्णय गरेसँगै जनप्रतिनिधि कर्मचारी गाउँ गाउँ पुग्न थालेका छन् । चन्दननाथ नगरपालिकामा हालसम्म ५६ […]