नयाँ बन्ने उद्यमीहरुका लागि किर्डाक नेपाल जुम्लाले व्यवसाय सचेतता तथा सुरु विकास सम्बन्धि पाँच दिने तालीम संचालन गरेको छ । उद्यमशिल बनाई स्वरोजगार बनाउने उद्देश्यले तालीम संचालन गरिएको हो । जुम्लाका पाँचवटा स्थानीय तहका ५५ जना तालीममा सहभागि भएको किर्डाक नेपाल जुम्लाका कार्यक्रम अधिकृत श्री भण्डारीले बताउनु भयो ।उहाँका अनुसार नयाँ उद्यमी सृजना गरि स्थानीय स्तरमै स्वरोजगार बनाउने प्रमुख लक्ष्य रहेको बताउनु भयो । सफल उद्यमीमा हुनुपर्ने गुण, व्यवसाय र परिवार बिचको सम्बन्ध, आयआर्जन तथा स्वरोजगार र व्यवसायको बारेमा पाँच दिनको अवधिमा जानकारी गराइने उहाँको भनाइ छ ।व्यवसाय गर्दा हुने फाइदाको बारेमा जानकारी गराई व्यवसायिक योजना बनाउन लगाईने भण्डारीले बताउनु भयो । व्यवसाय गर्दै आईरहेकारुलाई पनि निरन्तर व्यवसायमा सहभागि भइ राख्नका लागि उत्प्रेरणा जोगाई राख्न खोजिएको उहाँले बताउनु भयो । माघ ६ गतेदेखि १० गतेका दिनसम्म तालीम संचालन हुने किर्डाक नेपाल जुम्लाका सामाजिक परिचालक अजीत थापाले जानकारी दिनुभयो ।उहाँका अनुसार तिला गाउँपालिका वडा नम्बर ३, ४ र ५, तातोपानी गाउँपालिकाका वडा नम्बर १, २, ३ र ५ रहेको चन्दननाथ नगरपालिकाका वडा नम्बर १, २, ३, ४, ८, ९ र १०, गुठिचौर गाउँपालिका वडा नम्बर ३ र ४ तथा पातारासि गाउँपालिका वडा नम्बर ४, ५, ६ र ७ का ब्यवसायिक कृषक सहभागि रहेका बताउनु भयो ।तिला गाउपालिका ४ का सहभागी व्यसायिक कृषक मक्कर बहादुर शाहीका अनुसार आफुले अहिले होटेल व्यवसाय गिर रहेको बताउनुभयो । यो तालीमबाट अझै सीप सिकेर कसरी राम्रो गर्न सकिन्छ भनेर तालीम सिक्न आएको उहाँले बताउनुभयो । शाहीका अनुसार, किर्डाक नेपालले आफुलाई अझै सहयोग गर्ने आशा राखेको बताउनु भयो ।यस्तै अर्का सहभागि तातोपानी ३ का रामकृष्ण न्यौपानेका अनुसार भेडा बाख्रा पालन व्यवसाय गर्ने सोचले आफू तालीम लिन आएको बताउनुभयो । उहाँका अनुसार आफ्नै ठाउमा व्यवसाय गरेर बस्ने सोचले गर्दा आफु तालिममा सहभागी भएको बताउनु भयो । उहाँले भन्नुभयो, व्यवसायका बारेमा केहि पनि जानकारी छैन अब तालीम लिई सकेपछि व्यवसाय गर्ने सोचमा छु ।वल्डभिजन ईन्टरनेशनल नेपालको आर्थिक सहयोग र किर्डाक नेपाल जुम्लाको सहजिकरणमा विभिन्न पालिकाका व्यवसायिहरुलाई व्यवसाय सचेतता तथा सुरु विकास तालीमको आयोजना गरिएको हो । तालीमको सहजिकरण माया नेपालीले र कृष्णकान्त धितालले गर्नु भएको छ ।
नयाँ बन्ने उद्यमीहरुलाई व्यवसाय सचेतता तथा सुरु विकास तालीम
न्यूज सरोकार
।
६ माघ २०७९, शुक्रबार १९:२३