आज घटस्थापना,बडादशैँ सुरु

  ।   २१ आश्विन २०७८, बिहीबार ०७:४१

गणेश रावत,

प्रत्येक वर्ष आश्विन शुक्ल प्रतिपदादेखि सुरु हुने नेपालीको महान् पर्व बडादशैँ आजदेखि सुरु भएको छ। यो पर्व आश्विन शुक्ल पूर्णिमासम्म १५ दिन धुमधामका साथ मनाउने गरिन्छ। आज जुम्लामा कर्णालीको प्रशिद्य चन्दननाथ मन्दिरमा   नेपालि सेना ,सस्त्र प्रहरि,र सबै शुरक्षा कर्मिले आयर सलामि हानेर मन्दिरमा फुलपाति लगाउने गरेको चन्दनना भौरव नाथ गुठि ब्यवस्थापन समितिका अध्यक्ष पूर्णसिङ कठायतले वताउनु भयो । यसको जोहो गर्न आज भोलि वाटै भेइनभेइ भयको कठायतले वताउनु भयो ।

बडादशैँको पहिलो दिन आज घरघरमा विधिपूर्वक दियो, कलश र गणेश स्थापनासहित घटस्थापना गरिन्छ। पूजा कोठा वा दशैँघरमा वैदिक विधिपूर्वक शक्तिकी अधिष्ठात्री देवी दुर्गाको आह्वान गरी पूजा आरम्भ हुन्छ।

आज बिहानै नित्यकर्म समाप्त गरी नजिकको चोखो स्थलबाट माटो ल्याई गाईको गोबरले लिपपोत गरिएको पूजा कोठा अथवा दशैँघरमा विधिपूर्पक राखेर त्यसमाथि यव अर्थात् जौ रोप्ने गरिन्छ। यस कार्यलाई जमरा राख्ने पनि भनिन्छ। यव अङ्कुर दुर्गा देवीको प्रिय वस्तु भएकाले आज यव रोपण गरी दुर्गालाई चढाएर विजयादशमीको दिन टीका प्रसादसितै समृद्धिको प्रतीक पहेँलो जमरा पनि ग्रहण गरिन्छ।

जमरामा जौबाहेक अरु अन्न रोप्ने शास्त्रीय विधि नभएको धर्मशास्त्रविद् रमान्द आर्चाय बताउँछन्। कूल परम्पराअनुसार कसैले अन्य अन्न पनि जौसितै रोप्ने गरेका छन्। जमरालाई आयुर्वेदिक औषधिका रूपमा समेत प्रयोग गरिन्छ।​

Next Post

जुम्लामा आगोलागी हुँदा एक घर जलेर नष्ट

२१ आश्विन २०७८, बिहीबार ०७:४१
गणेश रावत, जुम्लाको तातोपानी गाउँपालिका मा आज आगलागी भएको छ। आज विहान घटस्थापना दिनमा पुजाआर्जन गर्न कोठाबाट आगलागी भएको खुलेको छ। आगलागि बाट तातोपानी गाउँपालिका वडा नम्बर ५ का स्थानीय मादव प्रसाद चौलागाई को घर जलेको तातोपानी गाउँपालिका वडा नम्बर ५ वडा अध्यक्ष हरि वहादुर डाँगीले वताउनु भएको छ। उहाँका […]