भेरी नदीमा हामफाल्ने महिलाको पहिचान खुल्यो, आफन्त पुग्दै

  ।   ३१ भाद्र २०७८, बिहीबार १९:१५

सुर्खेत । वर्षातकाे उर्लिदो भेरी नदीमा हामफाल्ने महिलाको पहिचान खुलेको छ । तिलागुफा नगरपालिका–६ कालिकोट घर भएकी ३१ वर्षीया महिला अमिला दमाई रहेकी छन् ।

बिहीबार दिउँसो उनले वीरेन्द्रनगर–११ स्थित भेरी नदी किनारामा छाता, मोबाईल र कपडा राखेर नदीमा अमिला वेपत्ता भएकी थिइन् । मलामी गएकाहरुले हामफालि सकेपछि उनलाई देखेपछि प्रहरीलाई खवर गरेका थिए । ईलाका प्रहरी कार्यालय छिन्चु र प्रहरी चौकी सुब्बाकुनाबाट गएको टोलीले घटनास्थलमा भएका कागजातका आधारमा उनको पुष्टि गरेको हो ।

घटनास्थलमा छोडिएको ग्लोबल आइएमई बैंकको चेक समेत प्रहरीले फेला पारेको छ । प्रहरीले नदीमा हाम फालेर वेपत्ता भएकी अमिलाका दाजु प्रकाश परियारसँग सम्पर्क गरेको होे । उनका दाजु प्रकाशले आफ्नो बहिनी रहेको प्रहरी समक्ष बताएका छन् ।

वीरेन्द्रनगरमै रहेका उनी पनि भेरी नदी जान लागेको जिल्ला प्रहरी कार्यालय सुर्खेतले जनाएको छ । नदीमा वेपत्ता भएकी अमिलाको खोजीमा प्रहरी जुटेको छ । नदीमा पानीको बहाव उच्च रहेकाले भेटाउन मुश्किल भएको घटनास्थलमा खटिएका प्रहरीले जनाएका छन् । अमिलाले नदीमा हामफाल्नुकाे कारण भने नखुलेकाे प्रहरीले जनाएकाे छ ।

Next Post

दैलेख : आमा/छोरा सँगै परीक्षामा

३१ भाद्र २०७८, बिहीबार १९:१५
दैलेख । बुधबारदेखि देशभर सञ्चालन गरिएको कक्षा १२ को परीक्षामा यहाँ आमा र छोरा पनि सहभागी भएका छन् । कोरोना भाइरसको महामारीका कारण गत वैशाखमा रोकिएकामा राष्ट्रिय परीक्षा बोर्डले तालिका सार्वजनिक गरेकाले दुबैलाई परीक्षामा सामेल हुन अवसर जुटेको हो । जिल्लाको नारायण नगरपालिका–११ बिन्ध्याबासिनीस्थित रैनादेवी माध्यमिक विद्यालयबाट परीक्षाको पहिलो दिन छत्तीस […]