कोरोना खोप नि:शुल्क उपलब्ध गराउने प्रधानमन्त्रीको प्रतिबद्धता

  ।   १४ माघ २०७७, बुधबार १४:५९

काठमाडौं : प्रधानमन्त्री केपी शर्मा ओलीले कोभिड विरुद्धको खोप सबै नेपालीले नि:शुल्क पाउने बताएका छन्। खोप अभियान शुभारम्भ कार्यक्रमलाई सम्बोधन गर्दै प्रधानमन्त्री ओलीले सबैलाई नि:शुल्क उपलब्ध गराउने प्रतिवद्धता जनाएका हुन्‌।

‘सबै नेपालीलाई खोप नि:शुल्क हुन्छ र प्राथमिकताका आधारमा सबैलाई दिइन्छ, यसमा तपाईँ सबै निश्चिन्त हुनुहोस्,’ प्रधानमन्त्री ओलीले भने।

उनले १० लाख डोज अनुदानमा खोप उपलब्ध गराएकोमा भारत सरकारलाई धन्यवाद व्यक्त गरे। उनले अहिले खोप लिएकाहरूले २८ दिनपछि खोपको दोस्रो डोज  लिनुपर्ने भन्दै त्यसलाई व्यवस्थित ढंगले सञ्चालन गर्न निर्देशन दिए।

विश्वव्यापी महामारीको रूप लिएको कोरोनाले शक्तिशाली राष्ट्रहरूलाई समेत अफ्ठेरो पारेको भन्दै नेपालले भने डटेर सामना गरेको प्रधानमन्त्री ओलीले दावी गरे।

उनले कोभिड विरुद्ध खटिने स्वास्थ्यकर्मीहरूलाई धन्यवाद र मृत्यु भएकाप्रति श्रद्धाञ्जली अर्पण गरेका छन्‌।

Next Post

खलंगामा खानेपानी अभाव

१४ माघ २०७७, बुधबार १४:५९
जुम्ला सदरमुकाम खलंगामा खानेपानीको अभाव देखिएकोछ । हिउँदमा समयमै हिउँ नपरेको र बर्षायाममा समयमै पानी नपर्नाले खानेपानी सुक्दै गएको हो । खलंगा खानेपानी तथा सरसफाई उपभोक्ता समितिका कार्यालय प्रमुख अर्जुन बराल खानेपानीको मुल सुकेकोले समस्या भएको बताउँछन् । खानेपानीको मुल सुकेको छ, पानीको पाइप फुटेको छ, मुलमा पानीको स्रोत घटेकोले […]