एकैघरका बेसहारा चार बालबालिकाको अभिभावक बन्यो एसओएस बालग्राम

  ।   १५ श्रावण २०७८, शुक्रबार १७:०२
सल्यान : आमा बुवा गुमाएका सल्यानका एकै घरका चार बालबालिकाको एस.ओ. एस. बालग्राम भैरहवा अभिभावक बनेको छ।

तीन वर्ष अघि आमा र गत चैतमा बुवा गुमाएका जिल्लाको छत्रेश्वरी गाउँपालिका –४ भेरीखोरका चार बालबालिकाको जिम्मा एस.ओ. एस. बालग्रामले लिएको हो।

१२ वर्षीया अमृता वली, ११ वर्षीय मोहन वली, ८ वर्षीय तिलक वली र ५ वर्षीया जानकी वलीलाई पठनपाठन सहितको जिम्मा उक्त संस्थाले लिएको हो।

आमा बुवाको मृत्यु भएपछि काका नाता पर्ने खिमबहादुर वलीको आश्रयमा बस्दै आइरहेका थिए। प्रमुख  जिल्ला अधिकारी र गाउँपालिका अध्यक्षको समन्वयमा ती बालबालिकालाई भैरहवा पठाइएको वडाध्यक्ष नेवबहादुर खड्काले बताए।

आमाबुवा गुमाएका बालबालिकालाई पारिवारिक वातावरणमा स्याहा सुशार गर्ने एस.ओ. एस. बालग्राम भैरहवाका प्रमुख गोविन्दप्रसाद ढकालले बताए।

बालबालिकाको पिसिआर र गाडी भाडाको व्यवस्था वडा सदस्य प्रेमबहादुर खत्री, गाउँपालिकाका कर्मचारी नविन चन्द र बालबालिकाको हालसम्म संरक्षण गर्ने अभिभावक खिमबहादुर वलीको टोली भैरहवा पुगी संस्थालाई जिम्मा लगाएको वडाध्यक्ष खड्काले बताए।

Next Post

जुम्ला विमानस्थल स्तरवृद्धि कार्य अलपत्र, डीपीआर नै कार्यान्वयनमा आएन

१५ श्रावण २०७८, शुक्रबार १७:०२
जुम्ला । कर्णालीकै सबैभन्दा बेस्थ तथा यात्रुको बढी चाप हुने जुम्ला विमानस्थल स्तरबृद्धि गर्न बनेको डिपिआरनै अलपत्र परेको छ । दुई वर्ष पहिलेनै नागरिक उड्डयन प्राधिकरण तथा बुद्ध एयरले जुम्ला बिमानस्थल स्तरउन्नति गर्ने डीपीआर गरेको थियो । करिब १ करोड बढी बजेट लाग्ने अनुमानसहित डिपिआर भएपनि वर्षौं बितिसक्दा नत अहिले […]

सम्बन्धित