छुमचौरमा घट्ट गएकी अपांगता भएका महिलाको बाढिले बगाएर मृत्यू

  ।   १४ श्रावण २०७८, बिहीबार ०७:२१

जुम्लाको छुमचौरमा भिषण बर्षा पछिको बाढिले घट्ट गएकी एक अपांगता भएका महिलालाई बगाएको छ ।
भिषण बाढिले घट्टनै बगाउदा जुम्ला पातारासी गाउँपालिका वडा नम्बर ३ की ३५ बर्षिय सर्मिला बुढाको निधन भएको जिल्ला प्रहरी कार्यालय जुम्लाले जानकारी दिएको छ । प्रहरी निरीक्षक तथा सूचना अधिकारी यौवन चौधरीका अनुसार तिनि महिला शारीरिक तथा वोल्न नसक्ने अपांगता भएका महिला रहेको बताउनुभयो ।

पातारासी गाउँपालिका वडाध्यक्ष विर्खराम वोहोराका अनुसार बाढि आएपछि दौडन नसकेर बगाएको जानकारी दिनुभयो । वडाध्यक्ष वोहोराका अनुसार गएराती भिषण बर्षा हुदा लिएकी ति महिलाको बगाएर मृत्यू भएको थियो । उनि सँगै घट्टमा गएका अन्य २ जना महिला भने भागेर बच्न सफल भएका थिए । स्थानीय मुनसोभा बोहरा र जसकला रावत घट्ट वाहिर निस्केर बाच्न सफल भएका हुन् । बगाएर मृत्यू भएकी महिलाको भने शव भेटिएर दाहसंस्कार गरिएको वडाध्यक्ष वोहोराले जानकारी दिनुभयो ।

यता घटना स्थलमा प्रहरीले मुचुल्का लिएर पनि फिर्ता भएको स्वास्थ्य संयोजक रतन बुढ्थापाले जानकारी दिनुभयो । उहाँका अनुसार गाउँपालिकाको बिपत व्यवस्थापनको टिम त्यहाँ फर्किएको छ ।  यसैगरी गाउँपालिकाका अध्यक्ष लक्षिमन बोहोरा र उपाध्यक्ष पुन्नकली महताराको टिम पनि घटना क्षेत्रमा पुगेर फर्किएको छ ।

ठूलो बर्षाले धेरैबर्ष पछि आएको बाढिले ६,७ वटा घट्ट, २० बढि चौपाया र एक हेक्टर भन्दा बढि बालीनाली र जग्गाको क्षेति भएको वडाध्यक्ष बोहोराले जानकारी दिनुभयो । उहाँका अनुसार वडा नम्बर २ र ३ जोडने काठेपुल बगेर जादा आवत जावत कठिन भएको छ ।

 

 

 

Next Post

गुजाराको आधार बन्दै कपुरकोटको ताजा तरकारी (फोटो फिचर)

१४ श्रावण २०७८, बिहीबार ०७:२१
सल्यान  : बेमौसमी तरकारीका लागि परिचित नाम हो कपुरकोट।  जसमा नेपालको बेमौसमी तरकारी झन्डै ४० प्रतिशत बजार कपुरकोटले ओगटेको छ। एक सिजनमा झन्डै तीन हजार मेट्रिकटन ताजा बेमौसमी तरकारी जिल्लाबाहिर निकासी हुने गर्दछ। यस क्षेत्रका किसानहरुले विशेष गरी गोलभेंडा, बन्दागोभी, काउली, घिउसिमी, बोडी, खुर्सानी आलु, काँक्रो, स्कुस, मुला, गाँजर, हरियो साग, […]