आलुखेतिमा हौसिँदै कनकासुन्दरीका किसान

  ।   १२ श्रावण २०७८, मंगलवार १७:३६

जुम्ला कनकासुन्दरी ७ की जुना कार्की पछिल्लो समय आलुखेतिमा निकै हौसिएकी छिन । उनी आलु खेति नै समृद्धिको आधार ठान्छिन । आलु उत्पादन गरेर बजार सम्म लैजाने र बजारबाट रकम लिएर पारिवारिक खर्च जुटाउने उनको दैनिकी हो । बिहानै खेतबारीमा जाने आलु गोडमेल गर्ने गरेकी उनी आलुमै समृद्धिको सपना भएको बताउँछिन ।
उनले भनिन्,‘ आलु पहिले देखि लगाउने भएपनि परम्परागत विधि अनुसारको खेति हुने भएकोले खासै फाइदा थिएन । रोगकिराबाट जोगाउनु र उत्पादित आलु बजार सम्म लैजानु मुख्य चुनौति हो । ’सोही गाउँकी मुना कार्की आलु खेति आम्दानीको राम्रो स्रोत भएको बताउँछिन । उनी आधुनिक खेति प्रर्णाली अपनाएर आलु लगाएको खण्डमा मनग्गे आमदानी गर्न सकिने अनुभव उनको छ । उनले भनिन्,‘आलुको बजारमा माग धेरै छ । उत्पादन गर्न सकिएको छैन । उत्पादित आलु खेर गइरहेको छैन । यसैमा खुसि छौँ । ’


जुना र मुना एक उदाहरण मात्र हुन । उनका गाउँमा ६ जना पुरुष र १४ जना महिला मिलेर महादेव समुह गठन गरेका छन । समुह मार्फत सामुहिक आलु खेति गरेर जिल्लामै उदाहरणीय कार्य गरेका हुन । कारीतास जर्मनी र कारीतास नेपालको आर्थिक सहयोगमा पेस नेपालको साँझेदारीमा गाउँमै आलुबाली कृर्षक पाठशाला सञ्चालन भएपछि स्थानीय आलुखेतिमा आकर्षित भएका हुन ।
एकिकृत खाद्य सुरक्षा विपद जोखिम न्युनिकरण जलवायु अनुकुलन परियोजनाले महादेव आलुबाली कृर्षक पाठशाला चलाएर किसानलाई आलु खेतिको महत्व र आवश्यकताका बिषयमा कक्ष सञ्चालन गरेको थियो । आलु खेतिको अनुसन्धान,रोगकिराको व्यवस्थापन र कम्पोष्ट मल बनाउन सिकाइएको थियो ।


पाठशालामा परम्परागत र आधुनिक तरिकाले आलु खेति गरिएको थियो । जुन विधिबाट बढि आलु उत्पादन हुन्छ । किसानलाई त्यही विधिबाट आलु खेति गर्न लगाउने पेस नेपालका हेमराज भट्टले जानकारी दिए । किसानले खेतबारीमा आफै गएर डेमा मार्फत आलु खेतिको बारेमा प्रशिक्षण गरिएको थियो । गत चैतमा शुरु भएको पाठशाला साउन महिनाको पहिलो साता सकिएको थियो ।
५ सय बर्गमिटर जग्गामा आलु खेति गरेर अनुसन्धान गरिएको थियो । २ सय ५०बर्गमिटर जमिनमा परम्परागत विधिबाट ५० केजी आलु रोपिएको थियो । २५० बर्गमिटरमा आधुनिक विधिबाट आलु खेति गरिएको थियो । ५० केजी आलु रोपिएको थियो ।उनले भने,‘परम्परागत विधिबाट गरिएको खेतिमा ३ क्वीन्टल आलु फल्यो । आधुनिक विधिबाट गरिएको खेतिमा ६ क्वीन्टल आलु फल्यो । ’किसानलाई आधुनिक विधिबाट आलु खेति गर्न उत्साहित गरिएको उनले बताए ।


स्थानीय जुना कार्कीले आधुनिक विधिबाट आलु खेति गर्न थालेको बताउँछिन । उनले भनिन्,‘कृर्षक पाठशालाबाट आलुको गुणस्तरीय उत्पादनमा जोड दियौँ । गाउँमा आलु खेतिको लागि आह्वान गरेका छौँ । यो क्षेत्रलाई आलु पकेट क्षेत्र बनाएर जिल्ला बाहिर आलु निर्यात गर्न सकिने अवस्था सिर्जना गर्न लागि परेका छौँ । यो क्षेत्रलाई आलु आत्मनिर्भर क्षेत्रका रुपमा विकसित गर्न चाहन्छौँ । ’

Next Post

कर्णालीको बजेट खर्चः ११ महिनासम्म २७ प्रतिशत, असारमै ३८ प्रतिशत

१२ श्रावण २०७८, मंगलवार १७:३६
अघिल्लो आर्थिक वर्षको ११ महिनासम्म कर्णाली प्रदेश सरकारले २७ प्रतिशतको हाराहारीमा बजेट खर्च गरेको थियो। असार मसान्तमा आइपुग्दा खर्च बजेट बढेर ६५ प्रतिशत पुग्यो। बजेट खर्च गर्नका लागि असार कुर्नुपर्ने अवस्था कर्णालीमा अझै छ। प्रदेश लेखा नियन्त्रक कार्यालयका अनुसार आर्थिक वर्ष २०७७/०७८ को जेठ मसान्तसम्म प्रदेश सरकारले पुँजीगततर्फ २४.४६ र […]