नेपाल रेडक्रस साेसाइटीकाे ६३ ओैं स्थापना दिवशकाे अवसरमा मुगुको खत्याड गाउँपालिका २ कि जीरकला भियाललाई कम्बल वितरण गरिएको छ ।
कर्णाली स्वास्थ्य विज्ञान प्रतिष्ठानमा मृगौलाकाे डायलासिस गर्दै आएकी भियाल जुम्लामा डेरा गरेर बस्दै आएकाे भएपनि उहाँलाई ओढ्ने, ओछ्याउने कपडाको अभावका बिच दिन बिताउन गार्हो भएको हुनाले २ वटा कम्बल र १ वटा म्याड नेपाल रेडक्रस साेसाइटी जुम्लाका सभापति लाेकदर्शन श्रेष्ठले हस्तान्तरण गर्नु भएको हाे ।
व्यक्तीगत रूपमा उहाँलाई एक हजार रूपैयाँ समेत उहाँले प्रदान गर्नु भएको छ ।
पिडित भियालले उपचार गर्दागर्दै आफुसँग भएको सबै पैसा सकिएकाे हुनाले आफुलाई जुम्ला बजारमा डेरामा बस्न र खानाकाे लागि समेत समस्या भएको हुनाले मानवताकाे नाताले भए पनि सहयोग गरिदिन आग्रह गर्नु भएको थियाे ।
बिबिसी जुम्लाका सम्बादाता पत्रकार कृष्णमाया उपाध्यायकाे पहलमा मृगौला पिडितलाई कम्बल वितरण गरिएको हाे ।
नेपालमा २०२० साल भदौ १९ गते नेपाल रेडक्रस साेसाइटीकाे स्थापना भएको हाे ।
मानवताकाे पक्षमा भन्ने मुलनारा सहित स्थापना दिवश मनाईएकाे हाे ।
नेपाल रेडक्रस साेसाइटीकाे ६३ ओैं स्थापना दिवसकाे अवसरमा जुम्ला बजारका विभिन्न स्थानमा विपद पूर्व तयारीकाे विषयमा सडक नाटक देखाएकाे छ ।
नेपाल रेडक्रस साेसाइटी जिल्ला शाखा जुम्लाको सहयाेगमा चन्दननाथ माध्यमिक विद्यालयका विद्यार्थी हरूले नाटक प्रर्दशन गरेका हुन् ।
जुम्ला बजारकाे कृष्ण मन्दिर , जिल्ला प्रशासन कार्यलय अगाडि र जुम्ला बसपार्कमा समेत सडक नाटक देखाइएकाे नेपाल रेडक्रस साेसाइटी जिल्ला शाखा जुम्लामा कार्यरत कार्यक्रम परियोजना अधिकृत ईश्वरा सुवेदीले जानकारी दिनुभयो । उहाँका अनुसार जुम्ला शाखामा ओैपचारिक कार्यक्रम पछि सडक नाटक देखाउनुकाे साथै विपन्नलाई कम्बल वितरण गरिएको हाे ।
