लक्ष्मी न्याैपाने
जुम्ला बहुमुखी क्याम्पसकाे सम्पन्न स्ववियु निर्वाचनमा अनेरास्ववियुका सभापति पदका उम्मेदवार विजयी भएका छन् । मंगलबार सम्पन्न स्ववियु निर्वाचनमा अखिल क्रान्तिकारीका जयकृष्ण जैशीलाई ९ मतले पछि पार्दै अनेरास्ववियुका लाेकेन्द्र बुढा सभापतिमा निर्वाचित भएका हुन् ।
मंगलबार अबेर राति घोषणा गरिएको मत परिणाम अनुसार स्ववियु सभापतिमा अनेरास्ववियुका बुढाले १ सय १४ मत प्राप्त गरे भने अखिल क्रान्तिकारीका जैशीले १ सय ५ मत पाएका थिए ।
निर्वाचन संयोजक पदम बहादुर शाहीका अनुसार कूल ३ सय ३४ मतदाता रहेको जुम्ला बहुमुखी क्याम्पसमा ३ सय १८ मत खसेको थियो । यस्तै स्ववियुको सचिवमा नेविसंघका दत्तराज रावत ९४ मतका साथ विजयी भएका छन् । उनका निकटतम प्रतिद्वन्द्वी अनेरास्ववियुका नबराज भण्डारीले ८६ मत ल्याए । भण्डारी लाई ८ मतले पछाडि पार्दै रावत सचिव पदमा विजयी भएका हुन ।
यस्तै कोषाध्यक्षमा अनेरास्ववियुका विन बहादुर रावत १ सय ७ मतका साथ बिजयी भएका छन् । प्रतिद्वन्द्वी नेविसंघकी सरला उपाध्यायलाई ९ मतले पछि पार्दै रावत बिजयी भएका हुन् ।
बिजयी सदस्यहरूकाे मत परिणाम तल रहेकाे छ ।
