जुम्ला — नेपालकै जेठो कर्णाली प्राविधिक शिक्षालय जुम्लाले कान्तिपुरकर्मी डीबी बुढालाई सम्मान गरेको छ । शिक्षालयको ४४ औं वार्षिक उत्सवका अवसरमा कान्तिपुरकर्मी बुढालाई ढाका टोपी लगाएर मायाको चिनो दिँदै सम्मान गरेको हो ।
सो अवसरमा २ हजार पाँच सय रुपैयाँ समेत प्रदान गरिएको थियो । कर्णाली प्राविधिक शिक्षालयका प्रमुख टेकेन्द्र थापाले पत्रकारिताका माध्यमबाट कर्णाली प्राविधिक शिक्षालयको गतिविधिहरु राष्ट्रिय अन्तर्राष्ट्रियस्तरमा फैलाएर सहयोग गरेको भन्दै सम्मान गरेको बताए । वार्षिककोत्सवका अवसरमा विभिन्न साँस्कृतिक कार्यक्रम प्रस्तुत गर्नुका साथै वार्षिक प्रगति प्रतिवेदन समेत प्रस्तुत गरिएको थियो ।
