गणेश रावत
कोहलपुर – बैजनाथ गाउँपालिका वडा नम्बर ७ पेडारीमा काँग्रेसको किल्ला भत्काउदै माओवादीको प्यानल विजयी भएको छ । अध्यक्षमा गठबधनका साझा उम्मेदार दिनेश कुमार थारुको प्यानल विजयी भएको हो ।
२००७ साल देखि नेपाली काँग्रेसले राज गर्दै आएकोमा अहिले माओवादी केन्द्र प्यानल विजयी भएको छ । नेपाली काङ्ग्रेसका अध्यक्ष पदका उम्मेदवार निवर्तमान अध्यक्ष सिताराम थारु लाई पराजित गर्दै नेकपा माओवादी केन्द्र साझा उम्मेदवार दिनेश थारु विजयी भएका हुन् । दिनेश थारुले ७ सय ६४ मत ल्याए भने नेपाली काँग्रेसका सिताराम थारुले ६ सय ३३ प्राप्त गरेका छन् ।
१ सय ३१ मतअन्तरले दिनेश थारु विजयी भएका छन् । जसमा महिला सदस्य राधा कुमारी थारुले ७ सय ६४, दलित महिला सदस्य इलाचा चमारले ८सय २८,खुल्ला सदस्य तिलक राम थारुले ७ सय ९७ र खुल्ला सदस्य नर बहादुर चन्द ठकुरीले ७ सय ९५ मत ल्याएर प्यानल नै विजयी भएको हो ।
