दैलेख । यहाँकाे ठाटिकाँध गाँउपालिकाकी एक महिलालाइ नेपाली सेनाकाे हेलिकाेप्टरबाट उद्दार गरिएकाे छ । लामाे समयदेखी सुत्केरी व्यथा लागेकी ठाँटीकाँध गाउँपालिका –६ की २० वर्षीया कल्पना खत्री सिँजापतिलाई सेनाकाे हेलिकाेप्टरबाट उद्दार गरिएकाे हाे ।
अत्यधिक रक्तश्रावका कारण स्थानीय स्वास्थ्य चाैकीमा उपचार सम्भव नभएपछि थप उपचारकाे लागि राष्ट्रपति महिला उत्थान कार्यक्रम अन्तरगत नेपाली सेनाकाे हेलिकाेप्टरबाट उद्दार गरिएकाे जिल्ला प्रशासन कार्यालय दैलेखका प्रमुख जिल्ला अधिकारी हरि प्याकुरेलले जानकारी दिए । कल्पनालाइ मंगलबारदेखि नै सुत्केरी व्यथा लागेकाे हाे । कल्पनालाइ कर्णाली प्रदेश अस्पताल कालागाउँ लगिएकाे छ ।
