पशु अस्पताल तथा पशु सेवा कार्यालय जुम्लाले किसानलाई विभिन्न शिर्षकमा अनुदानका कार्यक्रम दिएको छ । गत आर्थिक बर्षको साउन एक गतेदेखि चालु आर्थिक बर्षको कार्तिक मसान्त सम्म गरेर यहाँका किसानलाई अनुदान उपलब्ध गराएको हो ।
यहाँका किसानलाई स्थानीय जातको कुखुरापालन,खोर निर्माण, चल्ला र दाना खरिद,कुखुरा पोल्टी फर्म,दुग्ध प्रवद्र्धन कार्यक्रम,डेरी भवन निर्माण तथा सामाग्री खरिद,भैसीपालन,पशुपालन तथा दुग्ध उत्पादन उद्योग निर्माण लगायतमा अनुदान दिइएको हो ।
किसानलाई व्यवसायको प्रकृति हेरी अनुदान उपलब्ध गरिएको हो । अनुदानको रकमले किसानले अपेक्षाकृत काम गरिरहेको निमित्त प्रमुख धनबहादुर महतले जानकारी दिए । उनका अनुसार अनुदानका कार्यक्रमले किसानलाई निकै राहत मिलेको छ ।
पशु सेवा कार्यालयले प्रस्तावनाका आधारमा मुल्यांकन गरेर किसान छनौट गरेर अनुदान उपलब्ध गराएको हो । पशु पंक्षी क्षेत्रमा अनुदानको व्यवस्था गरेर किसानको आमदानी बढाउन खेलेको भुमिका प्रति किसान उत्साहित छन् ।
