दैलेख – दैलेखमा भिरबाट लडेर हिजाे एक जनाको ज्यान गएको छ । भिरबाट लड्दा अर्का एक जना घाइते भएका छन् । भिरबाट लडेर भगवतीमाई गाउँपालिका वडा नम्बर ४ की १७ वर्षीया टीका बीसीको ज्यान गएको हो ।
स्याउली पाखामा घाँस काट्दै गर्दा चिप्लिएकी १५ वर्षीया रोशनी थापालाई समाउन खोज्दा रोशनीसँगै भिरबाट खसेर टीका बीसीको ज्यान गएको प्रहरीले जनाएको छ । ढाड र टाउकोमा चोट लागेकी रोशनीलाई उपचारका लागि सुर्खेत लगिएको छ ।
गाईवस्तुलाई घाँस काट्न भिरमा जाने गर्दा दैलेखमा बर्सेनि केहीले अनाहकमा ज्यान गुमाउने गरेका छन् ।
Share
