विद्यार्थीले गरे एमयू प्रशासनदेखि सबै केन्द्रिय क्याम्पस तालाबन्दी

  ।   ७ श्रावण २०७८, बिहीबार १४:५३

सुर्खेत । संयुक्त विद्यार्थी संगठनले मध्यपश्चिम विश्वविद्यालय (एमयू)मा अनिश्चितकालिन तालाबन्दी गरेका छन् । विश्वविद्यालयले विद्याथीहरुका मागप्रति वास्था नगेको भन्दै विद्यार्थीले एमयू केन्द्रिय क्यापस, परीक्षा व्यवस्थापन कार्यालय लगायत सम्पूर्ण संकायको क्यापसहरुमा अनिश्चितकालिन ताला लगाएका हुन् ।

विद्यार्थीहरुले यहि साउन ३ गते १८ बुँदे माग तथा ध्यानाकर्षण पत्र विश्वविद्यालय प्रशासनलाई बुझाएका थिए । त्यसपछि विश्वविद्यालय प्रशासन बेखबर जस्तै बनेपछि विद्यार्थी संगठनहरु आन्दोलित हुनुपरेको संयुक्त विद्यार्थी संगठनले जनाएको छ ।

मध्यपश्चिम विश्वविद्यालय केन्द्रिय कार्यलय कुइने पानी भिसि, रजिस्ट्रार र सम्पुर्ण डिन कार्यलयहरु, परिक्षा नियन्त्रण कार्यलय, शिक्षा शास्त्र संकाय, विज्ञान तथा प्रविधि संकाय, मानविकी संकाय, व्यवस्थापन संकाय, ल क्याम्पस र इन्जिनियरिङ संकाय केन्द्रिय क्याम्पसहरु अनिश्चितकालका लागि तालाबन्दी गरिएको विद्यार्थी ममता अधिकारीले जानकारी दिइन ।

उनले सामाजिक संजालमा लेख्दै भनेकि छन्, ‘यदी अझै पनि विद्यार्थीका जायज मागहरू सम्बोधन हुन सकेनन्भने जे पनि हुन सक्छ । यसको सम्पूर्ण क्षतिपूर्ती स्वयंम विश्वविद्यालय र यहाँका पदाधिकारीले लिन पर्नेछ ? विद्यार्थीहरुको स्वास्थ सुरक्षाको ग्यारेन्टी गरियोस् । हाम्रा १८ बुदे मागहरु तत्काल बार्ता बसेर समाधान गरियोस् ।’

यता विश्वविद्यालय प्रशासनले नजिकिदै गरेको परीक्षाको मुखैमा विद्यार्थी संगठनले क्याम्पस तालाबन्दी गर्न उपयुक्त नभएको जनाएको छ ।

Next Post

सल्यानमा हेलिकप्टरबाट सुत्केरीको उद्धार

७ श्रावण २०७८, बिहीबार १४:५३
सल्यान : सल्यान जिल्ला अस्पतालमा रहेकी सुत्केरीको फोक्सोमा समस्या आएपछि हेलिकप्टरबाट उद्धार गरिएको छ। महोत्तरी सोनाम गाउँपालिका–१ घर भई सल्यान शारदा नगरपालिका–२ बस्ने २१ वर्षीया अर्चना यादवको हेलिकप्टरबाट उद्धार गरि सुर्खेत लगिएको हो। शल्यक्रियाबाट बच्चा जन्माएको दुई दिनपछि थप उपचारका लागि नेपाली सेनाको हेलिकप्टरबाट सुर्खेत पठाइएको सल्यान जिल्ला अस्पतालका डा. भीमकान्त […]