विवेकशील साझाले राष्ट्रिय सभा निर्वाचनमा मतदान नगर्ने

  ।   ६ जेष्ठ २०७८, बिहीबार ०९:२७

विवेकशील साझा पार्टीले राष्ट्रिय सभा निर्वाचनमा मतदान नगर्ने निर्णय गरेको छ। साझाले राष्ट्रिय सभा सदस्यको निर्वाचनबारे भएकाे छलफलकाे निष्कर्ष निकाल्दै आज हुदैँ गरेको निर्वाचनमा मतदान नगर्ने निर्णय विवेकशील साझा पार्टीको बागमती प्रदेश संसदीय दलका नेता रमेश पौड्यालले एक विज्ञप्ति जारी गर्दै बताएका छन्।

पार्टीले एक विज्ञप्ति जारी गर्दै भनेको छ, ‘गृहमन्त्री रामबहादुर थापा ‘बादल’ ले आफू निर्वाचित भएको दल त्याग गरी अर्को दलमा प्रवेश गरेका कारण राजनीतिक दल सम्बन्धी ऐन, २०७३ बमोजिम राष्ट्रिय सभामा रिक्त हुन आएको बागमतीमा नेकपा एमालेबाट रामबहादुर थापा ‘बादल’, कांग्रेस, माओवादी केन्द्र, जसपा र एमालेकै माधव नेपाल समूहबाट डा. खिमलाल देवकोटा उम्मेदवार बनेका छन्। यस्तै नेपाल मजदुर किसान पार्टीका तर्फबाट कृष्णबहादुर तामाङ उम्मेदवार छन्।

विवेकशील साझाका तीन जना प्रदेशसभा सदस्य मतदाता छन्। उनीहरुको कुल मत भार १४४ छ। यो मत कुनै उमेद्वारलाई पनि नपर्ने भएको छ। यस्तै विवेकशील साझाले मतपत्रमा ‘नो भोट’ को विकल्प शीघ्र लागु गर्न सरकार र निर्वाचन आयोगसमक्ष माग गर्ने निर्णय पनि गरेको पौड्यालले जारी गरेकाे विज्ञप्तिमा छ।

विवेकशील साझाले सर्वोच्च अदालतले २०७० पौष २१ गते सरकारका नाममा मतपत्रमा ‘नो भोट’ को व्यवस्था गर्न निर्देशनात्मक आदेश जारी गरेको ब्यहोरा स्मरण गराएको छ।

‘सात वर्ष भन्दा बढी भइसक्दा पनि उक्त आदेशको कार्यान्वयनमा सरकार र निर्वाचन आयोग उदासीन रहनु र यस राष्ट्रिय सभाको निर्वाचनसम्म आइपुग्दा पनि मतपत्रमा ‘माथिका कुनै पनि उम्मेदवार होइन’ विकल्प सामेल नगरिनु खेदजनक छ,’ विज्ञप्तिमा भनिएकाे छ।

Next Post

नेता नेपालले राष्ट्रियसभा उपनिर्वाचनमा गृहमन्त्री थापालाई सहयोग नगर्ने

६ जेष्ठ २०७८, बिहीबार ०९:२७
नेकपा (एमाले) का नेता माधवकुमार नेपालले राष्ट्रियसभा उपनिर्वाचनका लागि गृहमन्त्री रामबहादुर थापालाई सहयोग नगर्ने भएका छन्। कोटेश्वरमा गृहमन्त्री थापासँगको भेटपछि उपनिर्वाचनमा आफ्नो पूर्ण साथ र सहयोग रहने समाचारको खण्डन गर्दै नेता नेपालले गृहमन्त्री थापालाई सहयोग गर्न नसकिने प्रष्ट पारेको हो। जेठ ६ गते हुने बाग्मती प्रदेश राष्ट्रियसभाको उपनिर्वाचनमा पूर्व प्रधानमन्त्री […]