जुम्ला बहुमुखी क्याम्पसको निर्वाचन शान्तिपूर्ण रुपमा सम्पन्न

  ।   ५ चैत्र २०७९, आईतवार १८:२७

साबिकको कर्णाली अञ्चलमा त्रिभुवन विश्वविद्यालयको एकमात्र आंगिक क्याम्पस जुम्ला बहुमुखी क्याम्पसको निर्वाचन शान्तिपूर्ण रुपमा सम्पन्न भएको छ।२०६५ सालपछि निर्वाचन हुन नसकेको जुम्लाका बहुमुखी क्याम्पसमा लामो समय पछि धाँधलीरहित र शान्तिपूर्ण रुपमा सम्पन्न गर्न पाउँदा क्याम्पस परिवार खुसी भएको निर्वाचन अधिकृत तथा उपप्राध्यापक प्रकाशचन्द्र खत्रीले बताए।’विद्यार्थी संगठनहरुबीच हुने विवादका कारण निर्वाचन स्थगित हुँदै आएपनि यतिबेला मर्यादित रुपमा निर्वाचन गर्न पाउँदा हामी हर्षित छौं,’ उनले भने, ’हामीलाई विद्यार्थी संगठनले साथ दिए।’उनले निर्वाचित भएर आउने प्रतिनिधिमुलक संस्था नहुँदा कयौंपटक क्याम्पसलाई अप्ठ्यारो परेको समेत बताए।उनका अनुसार कुल सात सय ८२ विद्यार्थी भर्ना भएका मध्ये पाँच सय २८ जनाले मात्रै परिचयपत्र लिएका थिए। मतदानमा भने ५१३ जना विद्यार्थीले भाग लिएका थिए। जसमध्ये पुरुष दुई सय छ जना छन् भने महिला तीन सय सात जना रहेका छन्।देशका तीन ठूला पार्टीहरु कांग्रेस, एमाले र माओवादीका जनवर्गीय संगठनहरु नेविसंघ, अनेरास्ववियु र अखिल क्रान्तिकारीसहित राप्रपाको राप्रविसंघ, विप्लवको अखिल क्रान्तिकारी विप्लव, नेमकिपाको नेक्राविसंघ चुनावी प्रतिस्पर्धामा थिए।जुम्ला बहुमुखी क्याम्पसमा शिक्षाशास्त्र संकायमा स्नातक र स्नातकोत्तर तह तथा व्यवस्थापन संकायको स्नातक तहमा अध्यापन भइरहेको छ।निर्वाचन सकिए लगत्तै विद्यार्थी संगठनको रोहबरमा मुचुल्का उठाई सिल गरिएको संयोजक खत्रीले बताए। उनका अनुसार अपरान्ह छ बजेबाट मतगणना सुरु हुनेछ।

Next Post

तातोपानी,पातारासी र चन्दननाथका किसानलाई भेडाबाख्रा वितरण

५ चैत्र २०७९, आईतवार १८:२७
लक्ष्मी न्यौपाने,जुम्ला किर्डाक नेपाल जुम्लाले जिल्लाको तातोपानी,पातारासी र चन्दननाथ नगरपालिकाका किसानलाई भेडाबाख्रा बितरण गरिएको छ । तातोपानी, पातारासी र चन्दननाथका ५५ जना किसानलाई भेडाबाख्रा प्रदान गरिएको हो । तातोपानी १,२,३,५ र ६ वडा र पातारासीका ४,५,६ र ७ वडाका किसानलाई बाख्राभेडा वितरण गरिएको किडार्क नेपालका जीविकोपार्जन अधिकृत सरु महतले जानकारी […]

सम्बन्धित