बुधबार पातारासी गाउँपालिका वडा नम्बर ६ उर्थुको बडिखोलामा ट्रयाक्टर दुर्घटना भएको छ।ट्रयाक्टर दुर्घटना हुदा अन्दाजी ५० बर्षिया अमिर बाहाेेराकाे घटना स्थलमै मृत्यु भएको प्रहरीले जनाएको छ। कर्णाली प्रदेश ०२ —००१ त ०४२७ नम्बर भएको ट्रयाक्टर जुम्ला बजार देखी पातारासी गाउपालिका वडा नम्बर २ तल्फी तिर जादै गर्दा दुर्घटना भएको हो।
ट्रयाक्टरमा सवार पाँच जना घाईते भएको र घाईतेकोे कर्णाली स्वास्थ्य बिज्ञान प्रतिष्ठानमा उपचार भइरहेको डीएसपी प्रह्लाद कार्कीले बताउनु भयो। घाईते हुनेमा दुई महिला र तिन पुरुष रहेका छन ।ट्रयाक्टर चालक फरार रहेको र खोजी भईरहेको कार्कीको भनाई छ। उर्थुको बडिखोलामा ट्रयाक्टर दर्घटना भएको हाे र करिव ५० मिटर तल खसेको प्रहरीले जनाएको छ। धेरै लोड भएको कारण ट्रयाक्टरले उकालो चडेन नसक्दा दुर्घटना भएको हुन सक्ने प्रहरीको अनुमान छ।
