मनाङमा हिमपातबाट जोगिन पूर्वतयारी

  ।   १३ मंसिर २०७८, सोमबार ११:३६

मंसिरको सुरुवातसँगै हिमाली जिल्ला मनाङमा पनि चिसो बढ्न थालेको छ । प्रायः बाह्रै महिना मनाङमा जाडो हुन्छ । विशेषगरी मंसिर, पुस र माघ महिनामा यहाँ बढी जाडो हुन्छ । यस समयमा जिल्लाका विभिन्न ठाउँमा हिउँ पर्छ ।

मनाङमा अहिले बिहान र बेलुकाको समयमा अति जाडो हुन थालेको छ । यसैलाई मध्येनजर राख्दै जिल्ला प्रशासन कार्यालय मनाङले हिमपातबाट हुन सक्ने क्षति न्यूनीकरणका लागि मनाङमा पूर्वतयारी सुरु गरेको छ ।

हिमपातले हुन सक्ने जोखिम न्यूनीकरणका लागि जिल्ला प्रशासन कार्यालय मनाङले पूर्वतयारीको योजना बनाएको छ ।

हिमपातबाट हुन सक्ने क्षति न्यूनीकरणका लागि स्थानीय तह, सुरक्षा निकाय तयारी अवस्थामा रहेको जिल्ला विपद् व्यवस्थापन समितिका अध्यक्ष तथा मनाङका प्रमुख जिल्ला अधिकारी रविन्द्र आचार्यले बताए ।

‘हिमपातबाट प्रभावित हुन सक्ने जिल्लाका चार गाउँपालिकाको सम्भावित स्थान पहिचान गरेका छौँ,’ आचार्यले भने, ‘हिमपातबाट जिल्लामा विभिन्न समस्या आउन सक्छन् त्यस्तो अवस्थामा थप कार्ययोजना बनाएर अघि बढेका छौँ ।’

चिसो तथा हिमपातबाट मनाङको माथिल्लो मनाङ, टंकी मनाङ, खाङ्सार, हुम्डे, पिसाङ, नार, फू , ढिकुरपोखरी चामेदेखि तल्लो भाग तिमाङ, दानक्यु र बगरछाप लगायत क्षेत्र हिमपातका कारण बढी प्रभावित हुन सक्ने स्थानीय प्रशासनको अनुमान छ ।

Next Post

कुरीति अन्ते गर्दै पातारासी गाउँपालिका

१३ मंसिर २०७८, सोमबार ११:३६
गणेश रावत, जुम्लाको पातारासी गाउँपालिका कुरीति लाई अन्ते गर्न थालेको छ । समाजमा जरो गाडेर रहेका छुइप्रथा,बालविवाह,बहुविवाह जस्ता कुरीति अन्त्य गर्ने अभियान थालेको हो । छुइप्रथा मध्य तथा सुदुरपश्चिम क्षेबका विभिन्न क्षेत्रमा जरा गाडेर बसेको छ । पहिलो पटक जुम्लाको पातारासी गाउँपालिका महिलाहरुले छुईगोठ मुक्त गरेका हुन । उनीहरु सबैले […]