दाङ जाँदै गरेको जिप दुर्घटना, एकजनाको मृत्यु २१ घाइते

  ।   २२ कार्तिक २०७८, सोमबार १७:२४

सल्यान : सल्यान र दाङको सिमानामा जिप दुर्घटना हुँदा एकजनाको मृत्यु भएको छ भने अन्य २१ जना घाइते भएका छन्। मृत्यु हुनेमा सल्यान कालिमाटी गाउँपालिका- ३ का गाडीमालिक देवबहादुर सुनार भएको इलाका प्रहरी कार्यालय खिलकपुरले जानकारी दिएको छ।

सल्यानको कालिमाटी गाउँपालिका –३ कालिमाटीबाट दाङको तुलसीपुर जाँदै गरेको भे१त ५२२ नम्बरको जिप दाङ बबई गाउँपालिका- २ एक्लेबरनजिकै सोमबार बिहान दुर्घटना भएको हो।

जिपमा कति यात्रु सवार थिए भन्ने यकिन नभए पनि २१ जना घाइते भएको इलाका प्रहरी कार्यालय खिलकपुरका प्रहरी निरीक्षक नविन चुदालीले जानकारी दिए।

घाइते सबैको राप्ती प्रादेशिक अस्पताल तुलसीपुरमा उपचार भइरहेको छ। जिप चालकलाई नियन्त्रणमा लिइएको र थप अनुसन्धान भइरहेको उनको भनाइ छ।

Next Post

जुम्लामा १४८ गणक परिचालन हुने

२२ कार्तिक २०७८, सोमबार १७:२४
जुम्ला । जुम्लामा राष्ट्रिय जनगणनाका लागि १४८ गणक परिचालन गरिने भएको छ । जिल्ला जनगणना कार्यालयले मूल गणनाका लागि १४८ गणक खटाउने जनगण्ना कार्यालय जुम्लाका कार्यालय प्रमुख शंकर भट्टले बताउनुभयो । उहाँले भन्नुभयो,“ यही कात्र्तिक २५ देखि मङ्सिर ९ गतेसम्म संचालन हुने जनगणनाका लागि कार्यालयले सबै तयारी गरेको छ । […]