मर्निङवाकमा निस्केकी किशोरी बलात्कृत

  ।   २५ भाद्र २०७८, शुक्रबार १७:२१

सुर्खेत । मर्निङवाकमा निस्केकी एक किशोरी कर्णाली प्रदेशको राजधानी वीरेन्द्रनगरमा बलात्कृत भएकी छन् । बुधबार विहान पाँच बजेतिर छिमेकी साथीसँगै मर्निङवाकमा निस्केकी १६ वर्षीया किशोरी बलात्कृत भएकी हुन् । प्रहरीका अनुसार वीरेन्द्रनगरको पश्चिमतर्फको कालोपत्रे सडकमा हिँडिरहेका दुई किशोरीलाई लक्षित गर्दै अघाडिबाट एक युवकले ढुंगा प्रहार गरेका थिए । युवकको आक्रमणबाट बच्न दुई किशोरी मध्ये एउटा सडक हुँदै भागेर घर पुगिन् भने बलात्कृत भएकी किशोरी पूर्वतर्फको धान खेततर्फ भागिन् ।

खेतको हिलोका कारण किशोरी भाग्न सकिनन् । किशोरीमाथि खेतमै बलात्कार भयो। प्रहरीका अनुसार भागेर घर पुगेकी साथीले घर परिवारलाई खवर गरेकी थिइन् । ‘अभिभावकहरु त्यहाँ पुग्दा अभियुक्त भागिसकेको रहेछ’
जिल्ला प्रहरी कार्यालय सुर्खेतका प्रहरी निरीक्षक कनक शाहीले भने, ‘अभिभावकले खवर गरेपछि प्रहरी टोली तत्कालै घटनास्थल पुगेको थियो ।’ घटनास्थल सडकदेखि नजिकै पर्छ ।

किशोरीको शरिरका विभिन्न भागमा चोट लागेको छ । बलात्कारको प्रतिकार गर्दा किशोरीमाथि कुटपिट भएको प्रहरीले जनाएको छ। ‘धान खेतको हिलोका कारण किशोरी भाग्न पाइनन्, आफूमाथि बलात्कार हुँदा किशोरीले धेरै प्रतिकार गरेको देखिन्छ,’ प्रहरी निरीक्षक शाहीले भने, ‘हाम्रो मुख्य ध्यान बलात्कारमा संलग्नलाई पक्राउ गर्नेतर्फ केन्द्रीत छ ।’ प्रहरीसँग किशोरीले बलात्कार गर्ने युवकलाई यसअघि एक पटक देखेको बताएकी छन् । ‘अभियुक्तको पहिचान खुलिसकेकाले संभावित स्थानमा खोजीकार्य अघि बढाएका छौं,’ उनले भने, ‘अभियुक्त पक्राउ परेपछि धेरै कुरा खुल्छ ।’

Next Post

कर्णालीका ५५३ वडामा सकियो कांग्रेस अधिवेशन

२५ भाद्र २०७८, शुक्रबार १७:२१
सुर्खेत।  कर्णालीका पाँच सय ५३ वटा वडामा नेपाली कांग्रेसको वडा अधिवेशन सम्पन्न गरेको छ। सल्यानका ८३ वडामध्ये ८२, कालीकोटका ८६, दैलेखका ८६, जाजरकोटका ७७, रुकुमपश्चिम ७३, जुम्लाका ६०, मुगुका ४५ र हुम्लाका ४४ वटा वडामा गरी कुल पाँच सय ५३ वडाको अधिवेशन सम्पन्न भएको नेपाली कांग्रेसले जनाएको छ। भदौ १८ गतेदेखि […]