दैलेखकी १९ वर्षीया किशोरी बनिन् काँग्रेस वडा सभापति

  ।   २० भाद्र २०७८, आईतवार ०७:०७

स्वस्तिका महत यतिबेला नेपाली राजनीतिको कान्छी राजनीतिज्ञका रुपमा चर्चामा आएकी छन् । दुल्लु नगरपालिका –३ पालिकी उनी सभापति बनेसँगै सामाजिक सञ्जालमा निकै चर्चा भइरहेको छ ।

उनी दैलेखका स्वर्गीय नेता भुपेन्द्रजङ्ग महतकी छोरी हुन् । बाबाको मृत्युपछि आफूलाई बाबाकै सपना पुरा गर्ने मार्ग सम्हालेकी ती किशोरीको ईच्छाशक्ति र लिएको जिम्मेवारीले सबैलाई सोचमग्न, आकर्षित र चकित तुल्याएको छ । किनकी नेपाली राजनीतिको ईतिहास अँझ भनौ महिला ईतिहासमा यो एउटा पृथक र साहसिक कार्य हो ।

वडा तहका अधिकांश नेतृत्वमा ४० नाघेका व्यक्तिहरुको वर्चश्व भइरहेका बेला उनको भने निकै प्रशंसा भइरहेको छ । काँग्रेसको १४औं महाधिवेशनले देशभरकै राजनीतिक माहौल तातिरहेको बेला २० वर्षीय किशोरीले अवलम्बन गरेको मार्गले नयाँ पुस्तालाई उत्प्रेरणा जगाएको छ ।

माध्यमिक शिक्षा परीक्षासम्म अध्ययन गरेकी उनलाई अहिले देशभरिबाटै बधाई तथा शुभकामनाको ओईरो आईरहेको छ । पार्टी सचिव भुपेन्द्र शाही, सभापति कृष्ण बिसीले फोन गरेर बधाई तथा शुभकामना दिएसँगै सामाजिक सञ्जाल फेसबुकमा पनि टन्नै बधाई आएको उनी बताउँछिन् ।

शुरुमै धेरै जना प्रतिस्पर्धी भएपनि पछि आफूलाई सहमतिमा सभापतिको जिम्मेवारी दिएको उनले बताईन् । दुल्लु नगरपालिका –३ को सम्पूर्ण पार्टी समिति र पार्टीका समितिहरुलाई क्रियाशील बनाउँछै सबैलाई एकजुट एवं एक ढिक्काका साथ अघि बढाउने चाहानाका साथ अघि बढेको उनले जनाएकी छन् ।

 

 

 

Next Post

काँग्रेस जिल्ला सभापतिमा आधा दर्जन आकांक्षी

२० भाद्र २०७८, आईतवार ०७:०७
नेपाली काँग्रेस जुम्लाको जिल्ला अधिवेशन नजिकिदै गर्दा जिल्ला सभापतिको लागि झण्डै आधा दर्जन आकांक्षी देखिएका छन्। उनीहरुले आफ्नो तयारीका लागि कार्यकर्ता भेटघाट तथा नेतासँग लबिङलाई तीब्रता दिएका हुन्। वडा, गाउँपालिका र प्रदेश क्षेत्रस्तरीय समितिमा आफ्नो पकड कायम राख्न लागि परेको काँग्रेसले जनाएको छ। यो पटकको अधिवेशनमा पुरानै सभापति दीपबहादुर शाहीले […]