जुम्लामा स्याउ बोकेको ट्रक दुर्घटना हुँदा चालकको मृत्यु

जुम्लामा स्याउ बोकेको ट्रक दुर्घटना हुँदा चालकको मृत्यु भएको छ । हिमा गाउँपालिका–१ आचार्यलिहीमा वागमती प्रदेश ०३००१ ख २१६४ नम्बरको ट्रक राति दुर्घटना भएको हो ।जिल्ला प्रहरी कार्यालय जुम्लाका प्रहरी नायव उपरीक्षक नरेन्द्र चन्दका अनुसार दुर्घटनामा मकवानपुर घर भएका चालक अविनाश लामाको मृत्यु भएको हो ।बसका सहचालक मकवानपुरकै हरि न्यौपाने घाइते भएका छन् । घाइतेको कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा उपचार गरिएसकेपछि थप उपचारको लागी बाहिर रेफर गरिएको छ। घाइते सहचालकको टाउकोमा चोट लागेको छ ।जुम्लाको कनकासुन्दरी गाउँपालिका गुठीज्यूलाबाट स्याउ लिएर सुर्खेततर्फ जाँदै गरेको ट्रक हिमा १ आचार्यलिही नजिकैको बझाङे खोलामा दुर्घटना भएको थियो । नाग्म गमगढी सडकखण्ड अन्तर्गत हिमा गाउँपालिकाको सो क्षेत्र दुर्घटना जोखिम क्षेत्र मानिन्छ । दुर्घटना भएको ट्रकमा सात सय कार्टुन स्याउ रहेको व्यापारीहरूले बताएका छन् ।