जुम्ला
२०८७९ असार ३१
प्रेम बिष्ट
जुम्लाको हिमा गाउँपालिक १ आचार्यलिहीमा रहेको भित्री खोला जलविद्युत् आयोजनाको पावर हाउस भासिँदा एकै घरका तीन जनाको मृत्यु भएको छ। प्रहरी चौकी बड्कीका अनुसार राति ११ बजे आयोजनाको पावर हाउस भासिँदा एकै घरका तिन जनाको पहिरोमा परी ज्यान गएको हो। आयोजनामा कार्यरत गोरक बहादुर रावतका ३० वर्षका श्रीमती बिमला रावत सँगै दुई जना छोराहरू भरत र सूर्य रावतको मृत्यु भएको हो । बिजुली अवरुद्ध भएपछि घटनाबारे जानकारी प्राप्त भएको प्रहरी चौकी बड्किका रामप्रसाद चौलागाईंले बताउनुभयो । प्रहरी राति नै घटनास्थल पुगेको थियो । मृतकको शव पोष्टमार्टमका लागि कर्णाली स्वास्थ्य विज्ञान प्रतिष्ठानमा ल्याउने तयारी भइरहेको छ ।
