मार्सल राज सन्ज्याल
काेहलपुर नगरपालिकामा नवनिर्वाचित मेयर, उपमेयर, वडा अध्यक्ष र वडा सदस्य समेत सम्पूर्ण जनप्रतिनिधिहरुलाई काेहलपुर जेसीजले आज बिहान स्वागत तथा सम्मान कार्यक्रम सम्पन्न गरेको छ ।
कार्यक्रममा काेहलपुर नगरपालिकाका नवनिर्वाचित मेयर पुर्ण प्रसाद आचार्य, उपमेयर संगिता सुवेदी लागाएत सम्पूर्ण वडाका वडा अध्यक्ष र सदस्य हरुलाई खादा मालाले सम्मान गरिएको थियोे ।
पछिल्लो समय जेसिजले समाज रुपान्तरणको लागि सामाजिक कार्य गर्दै आएको २०२२ का अध्यक्ष इश्वर शर्माले बताए । उहाँका अनुसार कोहलपुर नगरपालिकाका जनप्रतिनिधिहरुले अब विकासको क्षेत्रमा अगाडी बढ्नुपर्ने र जनतालाई गरेका आफ्ना प्रतिबद्धताहरु पुरा गर्न जोड दिनुपर्ने बताउनु भयाे । उनले नगरपालिकाका नवनिर्वाचित जनप्रतिनिधिहरुलाई १३ बुदे सल्लाह सुझाव समेत दिएका छन् ।
कार्यक्रममा बोल्दै नवनिर्वाचित नगरप्रमुख मेयर पुर्ण प्रसाद आचार्यले नगरवासिलाई आफुले निर्वाचनको बेला गरेका प्रतिबद्धता पूरा गर्ने बताए । नगरपालिका विकासका लागि विभिन्न कार्यक्रम र योजना बनाएको बताए । नमुना कोहलपुर बनाउनकाे निमित्त हामी निरन्तर काममा खटिने नवनिर्वाचित उपमेयर सुवेदीले बताइन् ।
