सुर्खेत । लागूऔषध ब्राउनसुगरसहित एक जना पक्राउ परेका छन् । वीरेन्द्रनगर नगरपालिका-९ लाटीकोईली बस्ने २८ वर्षीय कुबेर शाहीलाई सुर्खेत प्रहरीले पक्राउ गरेकाे हाे । प्रहरीले शाहीकाे साथबाट एक सय ३० मिलिग्राम लागूऔषध ब्राउनसुगर जस्तो देखिने पदार्थसहित पक्राउ गरिएकाे प्रहरीले जनाएकाे छ । विशेष सूचनाको आधारमा कर्णाली प्रदेश लागूऔषध नियन्त्रण व्यूरो र नगर प्रहरी कार्यालय सुर्खेतबाट खटिएको प्रहरीले जाँच गर्दा उनलाई साथमा रहेको उक्त पदार्थ सहित फेला पारी पक्राउ गरेको हो ।
