सुर्खेत। अविरल वर्षापछि आएको पहिरोका कारण छिन्चु–जाजरकोट सडक खण्ड अवरुद्ध भएको छ। सल्यानको बनगाड कुपिन्डे नगरपालिका–११ रैकरमा माथिबाट आएको पहिरोका कारण सडक अवरुद्ध भएको हो ।
सडक अवरुद्ध हुँदा रुकुम पश्चिम, जाजरकोट, डोल्पा र सल्यानबाट नेपालगञ्ज जाने र आउने सवारीसाधनहरु बीच बाटोमै रोकिएका छन् ।
बिहानैदेखि अवरुद्ध भएको सडक खुलाउन डिभिजन सडक कार्यालयको डोजरले पहिरो पन्छाइरहेको जिल्ला प्रहरी कार्यालय सल्यानका डीएसपी गोविन्द थापाले जानकारी दिए ।
